INVESTONI NË SHËNDETIN
DHE PAMJEN TUAJ!
Mundësojmë trajtime në Rinoplastikë Otoplastikë Tonsilektomi Liposuction Blefaroplastikë Lifting

Kualiteti i shërbimit që ofrojmë dhe profesionalizmi
që na karakterizon janë arsyeja e suksesit tonë!

Sweet Shap

DR. BESIM BOÇI

about hafl bg

Oraret në Dispozicion

  • E Hënë - E Diel 15:00 - 20:00

Oraret e Vizitorëve

  • E Hënë - E Diel 8:00 - 18:00

Përse të zgjidhni Dr. Besim Boçin?

Doktor Besim Boçi ka mbi 20 vjet përvojë në specialitetin e Otorinolaringologjisë, Kirurgjinë e Kokës dhe të Qafës dhe Kirurgjinë Plastike të Fytyrës. Ka kryer një numër të madh operacionesh në kirurgjinë plastike të fytyrës si rinoplastika, otoplastika dhe blefaroplastika me rezultate estetike shumë të mira.
Një përvojë shumë të madhe ka në kirurgjinë e qafës ku përfshihet kirurgjia e laringut si laringektomia totale (heqja e plotë e laringut), hemilaringektomia (heqja e pjesshme e laringut), heqja e polipeve në laring me shaver pa dëmtuar kordat vokale, heqja e masave tumorale në laring me radiofrekuencë dhe shaver me endoskopi, heqjen e masave tumorale në qafë të karakterit beninj apo malinj, kirurgjinë e gjendrave të pështymës, kryesisht të gjendrës parotis me ekspozim të nervit facial.
Gjithashtu, Dr. Besim Boçi është profesionist në trajtimin e sëmundjeve të hundës dhe sinuseve me kirurgji të hapur dhe endoskopi, heqjen e bajameve me radiofrekuencë dhe e mishit të huaj (adenoideve) me shaver dhe shumë ndërhyrje të tjera në këtë specialitet duke respektuar protokollet klinike.

SPECIALIZIMET

  • RINOPLASTIKA
  • OTOPLASTIKA
  • SEPTOPLASTIKA
  • TONSILEKTOMIA
  • BLEFAROPLASTIKA
  • ZMADHIMI I GJOKSIT
  • ZVOGËLIMI I GJOKSIT
  • LIFTING I FYTYRËS
  • LIFTING I QAFËS
  • LIPOSUCTION I KRAHUT
  • ABDOMINO
    PLASTIKA
  • LIPOSUCTION I KOFSHËVE
  • MASTOPEKSI
  • LIPOSUCTION I BELIT
  • LIFTING ABDOMINAL

Rinoplastika është një procedurë kirurgjike që realizohet për korrigjimin dhe rimodelimin e hundës. Mund të kryhet për arsye mjekësore të tilla si për të korrigjuar problemet e frymëmarrjes ose deformimet që mund të viijnë si pasojë e defekteve gjatë lindjeve apo traumave. Mund të kryhet edhe për arsye kozmetike, për të ndryshuar pamjen estetike të hundës. Pas procedurës duhet një ditë qëndrimi në klinikë dhe rikuperimi total zgjat dhjetë ditë.

Teknikat e Rinoplastikës:

  • Rinoplastika e hapur
  • Rinoplastika e mbyllur

Lexo më shumë

Otoplastika, e njohur edhe si kirurgji kozmetike e veshit është një procedurë që kryhet për të ndryshuar formën, pozicionin ose madhësinë e veshëve. Zakonisht ndërhyrja kryhet nën anestezi lokale por për të vegjëlit të cilët nuk qëndrojnë mund të kryhet nën anestezi gjenerale.
Koha e zgjatjes së operacionit është nga një orë e gjysëm deri në dy orë, kjo në varësi të defektit të veshëve.
Pas procedurës, bëhet qëndrimi në klinikë për dy orë dhe rikuperimi total për shtatë ditë.

Lexo më shumë

Septoplastika është një procedurë kirurgjikale për të rregulluar kockën dhe kërcin që ndan hapësirën midis dy hundëve tuaja (septumi).
Kur septumi është i shtrembër, ai njihet si septum i devijuar. Një septum i devijuar mund ta bëjë më të vështirë frymëmarrjen përmes hundës dhe mund të rrisë rrezikun e infeksioneve të sinusit.
Gjatë septoplastikës, septumi ripozicionohet në mes të hundës. Pas shërimit, lehtësohet procesi i frymëmarrjes. Duhet një ditë qëndrimi në klinikë dhe rikuperimi total zgjat tre ditë.

Lexo më shumë

Tonsilektomia është heqja kirurgjikale e bajameve. Dikur ishte një procedurë e zakonshme për të trajtuar infeksionin dhe inflamacionin e bajameve.
Sot, tonsilektomia kryhet për të trajtuar problemet që lidhen me bajamet e zmadhuara dhe për të trajtuar sëmundjet që vijnë nga to. Për shkak se tonsilektomia kryhet nën anestezi të përgjithshme ju nuk do të jeni të vetëdijshëm për procedurën dhe nuk do të keni dhimbje gjatë operacionit.
Pas ndërhyrjes, duhet një ditë qëndrimi në klinikë dhe rikuperimi total bëhet për shtatë ditë.

Lexo më shumë

Blefaroplastika është një ndërhyrje kirurgjikale plastike për korrigjimin e defekteve, deformimeve dhe shpërfytyrimeve të qepallave si dhe për modifikimin estetik të zonës përreth syrit.
Është një procedurë miniinvazive që prodhon rezultate shumë të kënaqshme dhe zona përreth syve merr një pamje më rinore dhe estetikisht të bukur. Dy procedurat kryesore njihen si “blefaroplastika e sipërme" dhe "blefaroplastika e poshtme" dhe të dyja kanë funksione të ndara. Versioni i sipërm është krijuar për të korrigjuar lëkurën e tepërt të një qepalle duke rikthyer shkëlqimin e syve.
Blefaroplastika e poshtme, nga ana tjetër konsiston në eliminimin e qeseve dhe fryrjes që krijohen nën zonën e syve, zbutjen e zonës dhe rivendosjen e vitalitetit okular.
Pas procedurës, bëhet qëndrimi në klinikë për dy orë dhe rikuperimi total për pesë ditë.

Lexo më shumë

Zmadhimi i gjoksit është një procedurë që përfshin vendosjen e implanteve të gjirit nën indet e gjirit ose muskujt e gjoksit.
Kjo bëhet për të përmirësuar pamjen tuaj, për të përmirësuar vetë-besimin dhe për të zgjeruar mundësitë në aspektin e zgjedhjeve të veshjeve. Duke ndryshuar formën dhe madhësinë e gjinjve realizohet përputhja me stilin tuaj të trupit.
Gjithashtu, zmadhimi i gjoksit realizohet për një ribalancim vëllimi i cili vjen me kalimin e moshës, nga shtatzanitë apo gjidhënia duke shkaktuar humbje të volumit dhe fortësisë. Qëndrimi në klinikë zgjat dy ditë dhe rikuperimi total katër ditë.

Lexo më shumë

Kirurgjia për reduktimin e gjoksit, e njohur edhe si Mastoplastikë reduktuese është një procedurë që përdoret për të hequr dhjamin e tepërt, indet dhe lëkurën nga gjoksi.

Kirurgjia e reduktimit të gjoksit është menduar për gratë të cilat duan të zgjidhin çështje të tilla si:

  • Dhimbje kronike në shpinë, qafë dhe shpatull që kërkojnë terapi dhimbjeje.
  • Skuqje kronike ose acarim të lëkurës nën gji.
  • Dhimbje nervore.
  • Aktivitet i kufizuar.
  • Vetë-imazh i dobëtdhimbjeje.
Qëndrimi në klinikë zgjat dy ditë dhe rikuperimi total pesë ditë.

Lexo më shumë

Një face lift është një procedurë kirurgjikale kozmetike për të krijuar një pamje më të re në fytyrën tuaj. Procedura mund të zvogëlojë varjen ose rrudhosjen e lëkurës në faqe dhe nofulla si dhe ndryshime të tjera që ndodhin në formën e fytyrës suaj me kalimin e moshës.
Gjatë ngritjes së fytyrës një pjesë lëkure në secilën anë të saj tërhiqet prapa dhe indet nën lëkurë ndryshohen në mënyrë kirurgjikale për ti dhënë një formë më rinore.
Kjo procedurë kërkon dy ditë qëndrimi në klinikë dhe katër ditë rikuperimi total.

Lexo më shumë

Ngritja e qafës është një procedurë kirurgjikale e kryer në zonën e qafës nga cepi i nofullës deri tek molla e Adamit për të përmirësuar dhe mprehur konturin e vijës së nofullës.
Për shkak të plakjes krijohet rënie e lëkurës dhe kjo shoqërohet ndonjëherë me një rritje të shtresës së yndyrës (mjekër të dyfishtë) dhe një humbje të tonit të muskujve që e mbështesin atë.
Ndërhyrja realizon shtrëngimin e lëkurës dhe muskujve themelorë për të ngritur qafën. Duhet dy ditë qëndrimi në klinikë dhe katër ditë rikuperimi total.

Lexo më shumë

Një procedurë që ndihmon në eliminimin e yndyrës së koncentruar në zonën e krahut e cila është e vështirë të eliminohet me anë të stërvitjes ose dietës.
Me kalimin e kohës krahu humbet formën e tij për shkak të shumë faktorëve siç mund të jenë plakja, shtimi ose humbja e peshës. Falë kësaj procedure ju mund të riktheni formën e bukur të krahut pa dëmtuar muskujt. Periudha e rikuperimit nga liposuction i krahut është e shpejtë krahasuar me pjesët e tjera të trupit.
Qëndrimi në klinikë është për 2 orë dhe rikuperimi total brenda ditës.

Lexo më shumë

Një bark i sheshtë dhe i tonifikuar mirë është diçka për të cilën shumë prej nesh përpiqen përmes stërvitjes dhe kontrollit të peshës.
Ndonjëherë këto metoda nuk mund të arrijnë qëllimet tona. Edhe individët me peshë dhe proporcion normal të trupit mund të kenë një bark të lirshëm dhe të varur. Kirurgjia në bark e njohur edhe si abdominoplastikë heq yndyrën dhe lëkurën e tepërt dhe në shumicën e rasteve rikthen muskujt e dobësuar ose të ndarë duke krijuar një profil abdominal që është më i fortë.
Pas kirurgjisë duhen dy ditë qëndrimi në klinikë dhe shtatë ditë për rikuperimin total.

Lexo më shumë

Edhe pse procesi i liposuction zakonisht lidhet me zonën rreth barkut një opsion i mundshëm ështe edhe liposuction i kofshës.
Qelizat yndyrore priren të grumbullohen në pjesë të caktuara të trupit. Liposuction mund të kryhet në pjesën e jashtme ose të brendshme të kofshëve. Procedura bën të mundur përmirësimin e siluetit të përgjithshëm të tyre duke krijuar një pamje më simetrike. Qelizat e tepërta të yndyrës në kofshët e jashtme mund të shkaktohen nga shumë faktorë duke përfshirë gjenetikën, mbipeshën dhe të tjera. Një ndërhyrje mund të kryhet kur pesha e tepërt në këto zona nuk largohet me anë të dietës apo ushtrimeve.
Pas procedurës duhen dy orë qëndrimi në klinikë dhe një ditë rikuperimi.

Lexo më shumë

Një ngritje e gjoksit e njohur edhe si mastopexy është një procedurë kirurgjikale e kryer për të ndryshuar formën e tyre. Gjatë ngritjes, lëkura e tepërt hiqet dhe indet e gjoksit riformohen.
Ndërsa plakeni, gjoksi juaj ndryshon duke humbur elasticitetin dhe qëndrueshmërinë për shkak të shtatzanisë, luhatjeve të peshës e të tjera. Për këtë arsye procedura e ngritjes së gjoksit është mjaft efektive.
Duhet një ditë qëndrimi në klinikë dhe tre ditë për rikuperimin total.

Lexo më shumë

Liposuction në zonën e belit është një nga procedurat më të zakonshme si për burrat ashtu edhe për gratë. Plakja sjell një rishpërndarje të përgjithshme të yndyrës në trup. Për gratë, lindja e fëmijës mund të lërë pas një bel të pakëndshëm. Natyrisht edhe gjenetika mund të ndikojë shumë në mënyrën si dukemi. Jo të gjithë yndyrnat janë të shpërndara njësoj. Yndyra që është rezistente ndaj dietës dhe stërvitjes është zakonisht yndyra nënlëkurore, e cila shtrihet nën lëkurë mbi muskujt e barkut. Kjo është pikërisht ajo që procedura e liposuction synon të heqë. Liposuction mund të largojë dhjamin e tepërt, t’i japë kontur belit dhe të përmirësojë format.
Pas ndërhyrjes, duhet një ditë qëndrimi në klinikë dhe rikuperimi total bëhet për dy ditë.

Lexo më shumë

Abdominoplastika ose "ngritja e barkut" është një procedurë kirurgjike kozmetike që përdoret për ta bërë barkun më të hollë dhe më të fortë.
Kirurgjia përfshin heqjen e lëkurës dhe yndyrës së tepërt nga pjesa e poshtme në mënyrë që të ngushtohet muskuli i murit të barkut. Abdominoplastika ndryshon pamjen dhe rrit vetëbesimin tuaj.
Qëndrimi në klinikë pas procedurës bëhet për një ditë dhe periudha e rikuperimit total është tre ditë.

Lexo më shumë
about hafl bg

CAKTO NJË TAKIM

Nëse dëshironi një takim, plotësoni formularin me të dhënat tuaja dhe ne do t'ju kontaktojmë për konfirmim.

Para dhe Pas

Dëshmi

Pyetje të shpeshta

Cilat janë disa këshilla që duhen patur parasysh pas rinoplastikës?

Ditët e para mos shfry me forcë hundët, pastroje pjesën nën hunde me garzë ose letër herë pas here. Veshja e hundës mbahet rreth një javë, por kjo ndryshon në varësi të ndërhyrjes.
Duhet të mënjanohet aktiviteti fizik i tepërt.
Mbas heqjes së veshjes hunda është e enjtur por kjo me kalimin e kohës ulet.
Nuk duhet të mbahen syza për të paktën katër javë.

Pas sa kohe mund të vlerësohet rezultati?

Rezultatet përfundimtare vihen re në një periudhë kohore prej 6 muajsh apo edhe një viti. Megjithatë, pas ndërhyrjes estetike të rinoplastikës shihen ndryshime për sa i përket formës së hundës.

Kur mund ti rikthehem aktiviteteve sportive?

Kjo varet nga lloji i aktivitetit. Për aktivitetet të cilat nuk janë shumë ritmike stërvitja fillon më shpejt, edhe disa ditë pas ndërhyrjes.
Për të tjera, të tilla si gjimnastika apo sporte të lodhshme pritet për një periudhë më të gjatë.

LE TË DISKUTOJMË

Adresa

Tiranë

Nr. Telefonit

(+355) 68 20 38 903

Email

info@besimboci.com